आज LPG गॅस सिलेंडर स्वस्त झाला आहे. नवीन वर्षाच्या पहिल्या दिवशी सरकारी तेल कंपन्यांनी एलपीजी गॅस सिलिंडरचे नवीन दर जाहीर केले आहेत. आज 1 जानेवारी 2024 रोजी गॅस सिलिंडरच्या किमती कमी झाल्या आहेत. महिनाभरात दुसऱ्यांदा गॅस सिलिंडरच्या दरात घट झाली आहे.
व्यावसायिक गॅस सिलेंडर स्वस्त
आज नवीन वर्षाच्या पहिल्या दिवशी सरकारी तेल कंपन्यांनी एलपीजी गॅस सिलिंडरच्या किमती कमी करून मोठी भेट दिली आहे. सरकारी मालकीच्या तेल कंपन्या इंडियन ऑइल (IOC), भारत पेट्रोलियम (BPCL) आणि हिंदुस्तान पेट्रोलियम (HPCL) यांनी व्यावसायिक गॅस सिलिंडरच्या किमती कमी केल्या आहेत. महिनाभरात दुसऱ्यांदा सिलिंडरच्या दरात कपात करण्यात आली आहे. आज १९ किलोच्या व्यावसायिक सिलिंडरची किंमत एक ते दीड रुपयांनी कमी झाली आहे. दरम्यान, 14 किलोच्या घरगुती गॅस सिलिंडरच्या किमती कायम आहेत. घरगुती गॅस सिलिंडरच्या दरात कोणताही बदल झालेला नाही.
प्रमुख शहरांमध्ये एलपीजीच्या नवीन किमती
आज, व्यावसायिक एलपीजी गॅस सिलिंडरच्या किंमतीत कपात केल्यानंतर, दिल्लीमध्ये 19 किलोच्या व्यावसायिक एलपीजी सिलिंडरची किंमत 1,755.50 रुपये झाली आहे. यापूर्वी हा दर 1,757 रुपये होता, त्यामुळे दिल्लीतील दर दीड रुपयांनी कमी झाले आहेत. चेन्नईमध्ये एलपीजीच्या दरात 4.50 रुपयांची कपात करण्यात आली असून 19 किलोचा सिलेंडर आता 1,924.50 रुपयांनी महागला आहे. मुंबईत व्यावसायिक एलपीजी सिलिंडरची किंमत 1.50 रुपयांनी घसरून 1,708.50 रुपयांवर आली आहे. कोलकातामध्ये व्यावसायिक एलपीजी सिलिंडरची किंमत आज 50 पैशांनी वाढून 1,869 रुपये झाली आहे.
एका महिन्यात दुसरा कट
भारतीय तेल कंपन्यांनी यापूर्वी 22 डिसेंबर रोजी एलपीजी सिलिंडरच्या किमती कमी केल्या होत्या. यानंतर 19 किलोच्या सिलेंडरची किंमत 30.50 रुपयांनी कमी झाली आहे. याआधी १ डिसेंबरलाही व्यावसायिक एलपीजी सिलिंडर स्वस्त झाले होते. सरकारी मालकीच्या तेल कंपन्या दर पंधरा दिवसांनी एलपीजी सिलिंडरच्या किमतींचा आढावा घेतात.
घरगुती एलपीजी सिलेंडरची किंमत किती आहे?
आज 1 जानेवारी रोजी 19 किलोच्या व्यावसायिक गॅस सिलिंडरच्या दरात बदल झाला असला तरी 14 किलोच्या घरगुती गॅस सिलिंडरची किंमत स्थिर आहे. यामध्ये कोणताही बदल करण्यात आलेला नाही. गेल्या चार महिन्यांपासून घरगुती एलपीजी गॅस सिलिंडरच्या दरात कोणताही बदल झालेला नाही. यापूर्वी 30 ऑगस्ट रोजी घरगुती गॅस सिलिंडरच्या किमतीत सुधारणा करण्यात आली होती, त्यानंतर सिलिंडरच्या किमतीत कोणताही बदल करण्यात आलेला नाही. आज मुंबईत घरगुती गॅस सिलिंडरची किंमत 902.50 रुपये आहे, तर दिल्लीत 903 रुपये आहे. यासोबतच चेन्नईमध्ये 918.50 रुपये आणि कोलकातामध्ये 929 रुपये आहे.
